Овој викенд се одржа седмиот меѓународен турнир Куп на ЕСКРИМ 2022. На наше големо задоволство, драг гостин на турнирот ни беше господинот Џорџио Скарско, претседателот на EFC (Европската конфедерација за мечување), кој го отвори турнирот.
На турнирот учествуваа околу 70 натпреварувачи од Грција, Бугарија, Србија, Хрватска и Северна Македонија.
Им се заблагодаруваме на сите учесници за спортскиот фер плеј, борбеноста и квалитетот кој го донесоа во Скопје. Се гледаме во некоја нова прилика.
Билјана Кузмановска Николовска, национален тренер и селектор на Мечувалечката Федерација на Северна Македонија, со највисока оцена помеѓу 30 тренери од повеќе спортови од целиот свет, успешно го одбрани својот проект “ Програм за долгорочен развој на спортисти за постигнување на повисоки резултати ”. Билјана беше дел од сертифицираната програма за едукација и развој на тренери на Универзитетот Делавар и Американскиот Олимписки Комитет, реализирана во олимпискиот центар во Колорадо Спрингс – САД, во периодот од Септември 2019 до Октомври 2022 год. На свечената церемонија на доделување на дипломите присуствуваше и претседателот на Меѓународниот Олимписки Комитет, господинот Томас Бах.
Изразуваме особена благодарност до Олимпискиот комитет на Северна Македонија, кој го поддржа овој проект.
Денес поднесовме извештај за наменски потрошени средства од даночно ослободување за Мечувалечката федерација на Северна Македонија, како и за клубовите на кои им се доделени ваучери за 2021 година. Извештајот е поднесен до Агенцијата за млади и спорт.
