Автор: General Secretary

Драги пријатели на мечувањето,

Со голема тага ве известуваме дека нашиот член Анастасов Александар почина денес, по кратко, но тешко боледување. Сите ние се сеќаваме на неговиот спортски дух, упорност и мајсторство.

Александар Анастасов беше еден од нашите најистакнати мечувалци и сигурно можеме да тврдиме дека беше наш најдобар ветеран. Последните години учествуваше на сите големи и помали ветерански турнири, секогаш освојувајќи медали и трофеи. Исто така, тој беше и светски шампион а ветерани сабја 2017 во категорија 70+.

Роден е 1945 година и се занимава со мечување од 16 години. Последниот натпревар на кој учествуваше беше белградскиот трофеј на 23.02.2020 година, и покрај сериозната болест која го спречи да ги покаже своите вистински квалитети.

Значајни сениорски остигнувања

• Шест индивидуални златни првенства на Југославија
• Пет тимски злата на првенствата во Југославија
• Еден сребрен медал на Балканското првенство – поединечна конкуренција
• Три сребрени медали на Балканското првенство – екипна конкуренција
• Три бронзени медали на Балканското првенство – екипна конкуренција
• Многу медали на меѓународните турнири во Европа
• 25-то место на Светското првенство во Будимпешта

На иницијатива и во организација на Македонскиот Олимписки Комитет, во Септември 2019 година Мечувалечката Федерација на Северна Македонија ја испрати Билјана Кузмановска Николовска, основач и тренер на Мечувалечкиот клуб Ескрим Скопје на едукација во Олимпискиот тренинг центар во Колорадо Спрингс, САД. Анализирајќи ја состојбата во македонското мечување, беше донесена взаемна одлука тема на едукацијата и испитен проект да биде “Долгорочен развој на спортисти и периодизација во спортот”.

По враќањето од престојот во САД, Билјана почна со изработка и предложи план за имплементација во македонското мечување на проектот кој во Април оваа година треба да го брани во седиштето на Меѓународниот Олимписки Комитет во Лозана, Швајцарија.

 

Нејзиниот проект опфаќа и изработка на периодизација на тренажен процес на националната кадетска репрезентација за периодот Февруари – Април. Пред почетокот на примената на периодизацијата направени се контролни мерења и снимање на учесниците во проектот, извршено е психолошко тестирање на проширена група на мечувалци, направено е испитување на базичните знаења од оваа област на нашите тренери по мечување и одржани се две работилници за нивна едукација.

Следејќи го планот на Билјана, а со цел да се усогласи работењето на федерацијата со светските стандарди, излеговме од рамките на сопствениот кадар и ресурси и ангажиравме кондиционен тренер, Професор Назим Куртовиќ, кој работи со поголема група млади мечувалци на подобрување на нивната општа физичка состојба, снага, експлозивност и издржливост.

Модерниот пристап кон спортот подразбира примена на науката во спортот, а дел од неа е правилна исхрана и следење на одредени медицински параметри на спортистот. За таа цел организиравме предавање на тема правилна исхрана на спортистите на кое присуствуваа младите мечувалци со своите родители. Предавањето го одржа Др. Зоран Ханџиски, физиолог и специјалист по спортска медицина, наш еминентен експерт во оваа област.

Кадетите, учесници во овој проект ќе бидат упатени на комплетен спортско медицински преглед кој вклучува и испитување на интолеранција на храна со цел индивидуално прилагодување на исхраната за време на тренажниот процес и натпреварите. Планирано е ова понатака да се прошири на сите кандидати за националната селекција.

По одбраната на проектот, истиот ќе биде проширен со знаењата стекнати при престојот во САД, во него ќе бидат вклучени сознанијата од истражувањата на литературата користена за негова изработка и искуствата од неговата имплементација и ќе се публикува за да се сподели со останатите тренери. Паралелно со работењето на проектот, Билјана подготвува и брошура наменета за родителите на спортистите.

Ваков сериозен пристап кон спортот бара и сериозна финансиска поддршка. Патот и престојот во САД беа во организација на Македонскиот Олимписки Комитет, настапот на кадетската репрезентација на Европското првенство во Пореч, Хрватска беше делумно поддржан од Агенцијата за Млади и Спорт, но главен ослонец за реализација и имплементација на проектот на Билјана се средствата од финансирањето на спортот преку ваучер систем. Изразуваме благодарност до МОК, АМС и владата на Република Северна Македонија, кои ни овозможуваат предуслови мечувањето да го издигнеме на ниво кое ќе биде конкурентно во глобални рамки.

Денеска се одржа Националното првенство за млади 2020. Им честитаме на сите учесници на постигнатите резултати и спортската борба.

Комплетните резултати се тука

Name	Club(s)	Country	Event	Medal
BUNDALESKI Ognen	MK ESKRIM	MKD	U-14 Men’s Epee	Gold (1st)
DAMJANOSKI Petar	MK ESKRIM	MKD	U-14 Men’s Epee	Silver (2nd)
TODOROVSKI Matej	MK ESKRIM	MKD	U-14 Men’s Epee	Bronze (3rd)
DESPOTOVSKI Aleksa	MK ESKRIM	MKD	U-14 Men’s Epee	Bronze (3rd)
DAMJANOSKA Iskra	MK ESKRIM	MKD	Cadet Women’s Epee	Gold (1st)
TRPKOVSKA Mila	MK ESKRIM	MKD	Cadet Women’s Epee	Silver (2nd)
BLAZEVSKA Dafina	MK ESKRIM	MKD	Cadet Women’s Epee	Bronze (3rd)
KOCEVSKA Neda	MK ESKRIM	MKD	Cadet Women’s Epee	Bronze (3rd)
VELICKOVSKI Jovan	MK ESKRIM	MKD	Cadet Men’s Epee	Gold (1st)
NIKOLOVSKI Nikola	MK ESKRIM	MKD	Cadet Men’s Epee	Silver (2nd)
SRBINOSKI Petar	MK BOREC	MKD	Cadet Men’s Epee	Bronze (3rd)
BOZINOVSKI Simon	MK ESKRIM	MKD	Cadet Men’s Epee	Bronze (3rd)

Резултати U13 (kids)
Добри вести од денешниот U13 турнир, на кој се појавија дури 145 момчиња и 111 девојки до 13 години.

Во натпреварите по групи, Тодоровски Матеј и Бундалески Огнен имаа по 5 победи и 1 пораз, Дамјаноски Петар имаше 4 победи и 2 порази, додека Блажевска Дафина имаше 3 победи и 3 порази.

Конечниот редослед е како во табелата. Честитки до сите, а посебно до Матеј за извонредниот резултат.

Online резултати имате тука

На 24, 25 и 26 јануари, нашите млади мечувалки и мечувалци ќе учествуваат на турнирот Olimpici Grand Prix3 во Будимпешта. Да им посакаме спортска среќа на

Неда Коцевска
Дафина Блажевска

Матеј Тодоровски
Петар Дамјаноски
Огнен Бундалески
Симон Божиновски

Резултати во живо

https://www.fencingtimelive.com?t=3751